Размер шрифта: A A A
Цвет сайта: A A A A

16.08.2019 Чоп этиш версияси

Учқудуқда Давлат хизматлари марказининг янги биноси фойдаланишга топширилди

Учқудуқда Давлат хизматлари марказининг янги биноси фойдаланишга топширилди

– Тўққиз ой аввал бу ерлар тақир тупроқ эди. Қурувчилар бор бўлсин,чўл бағрида бир мўъжиза яратишдики, учқудуқлик аҳоли бундан мамнун, – дейди нуроний отахон Абдулла Каримбаев.

Янги объект маҳаллий бюджет ҳисобидан қурилиб, халқ ихтиёрига топширилди. Марказ биноси ноанъанавий архитектура ва миллий меъморий ечим билан уйғунлашган. Халқ кирадиган жой шинам ва обод бўлиши учун алоҳида эътибор қаратилган. Электрон навбат, кутиш зали, болалар майдончаси, интернетдан фойдаланиш учун бепул WiFi ташкил этилган. Марказ бир вақтнинг ўзида 11 та қабул ойнасида мурожаатчиларга хизмат кўрсата олади. Замонавий жиҳозланган залда 5 та мониторда 100 дан ортиқ давлат хизмати турлари юзасидан маълумотлар марказга келувчи фуқаролар учун тақдим этилган.

photo5382251418628500470.jpg

– Учқудуқ тумани давлат хизматлари маркази йил бошидан шу кунга қадар аҳолига 8500 та давлат хизматини кўрсатди. Кундан кунга хизматга бўлаётган эҳтиёж кўпаяётгани боис аввалги бино кичик, фуқароларга хизмат кўрсатиш учун торлик қиларди. Яширмаймиз, жуда ноқулай эди. Мана энди халқ кирса киргулик, миллий ва замонавий дизайндаги архитектура, кенг ва ёруғ зал, хизмат ойналари бари-бари кўнгилдагидек… Бундай шароитда ишлаш ходимлар учун ҳам, марказ хизматидан фойдаланишга кирган одамлар учун ўзгача кайфият улашади, – дейди марказ директори Умар Худойқулов.

photo5379765654766332830.jpg

Марказ биносида туман фуқаролик ҳолати далолатномаларини ёзиш бўлими,тадбиркорлар учун бош вазир қабулхонаси ҳам иш бошлади. Бу биринчи марказ эмас, вилоятда Учқудуқ давлат хизматлари маркази ўз фаолиятини янги бинода бошлаган тўртинчи марказдир. Яна Навбаҳор ва Хатирчи туманларида ҳам марказларнинг янги бинолари иш бошлаш арафасида.

photo5384371143902865869.jpg

ДХА Навоий вилояти 
бошқармаси матбуот хизмати.

5 306
ЎзА